Մեր մասին
Դիլի ընկերությունն ավելի քան երկու տասնամյակ է, ինչ գործում է կաթնամթերքի արտադրության ոլորտում՝ փոքր տեղական ձեռնարկությունից դառնալով վստահելի և ճանաչված արտադրամաս։ Մենք ստեղծում ենք 100% բնական արտադրանք՝ անմիջապես մեր սեփական ֆերմայից, կարևորելով ձեր առողջությունը և անզուգական փորձառությունը համերի աշխարհում։ Մենք համոզված ենք, որ կաթնամթերքը պարզապես արտադրանք չէ. այն հանդիսանում է կապ բնության, ավանդույթների և մեր սպառողների միջև։
Հոգատարությամբ և նվիրվածությամբ աշխատելու շնորհիվ տարիների ընթացքում մենք ոչ միայն հաստատել ենք մեր կայուն տեղը կաթնամթերքի արտադրության ոլորտում, այլև սահմանել ենք գերազանցության նոր չափանիշներ՝ պահպանելով ավանդական արժեքները և ներդաշնակորեն համադրելով դրանք ժամանակակից լուծումների հետ։
Պատմությունը
Դիլի կաթնամթերքի արտադրության ընկերությունը հիմնադրվել է դեռևս 1997 թվականին՝ դառնալով Հայաստանում Մոցարելլա պանրի արտադրության առաջամարտիկ, ինչպես նաև առաջին գործարանը, որն արտադրում է 100% բնական կաթնամթերք միայն սեփական կովերի կաթից և վերահսկում ողջ գործընթացը՝ ֆերմայից մինչև Ձեր սեղանը։
2007-2022 թթ. Դիլի կաթնամթերքի տեսականին ներկայացված էր Երևանի սրտում տեղակայված սեփական խանութում, սակայն 2019-ից ի վեր ընդլայնեցինք գործունեության շրջանակը՝ արտադրատեսականին խանութից փոխադրելով հայաստանյան մի շարք սուպերմարկետներ և խանութներ։ Արդեն 2022 թվականին տեսականին համալրվեց Լոռի և Չեչիլ պանիրներով, դասական և ըմպելի յոգուրտներով։ Այսքանով, սակայն, չենք սահմանափակվում, շարունակում ենք կատարելագործել մեր հմտությունները և տեխնիկան և աշխատել նոր պրոդուկտների վրա։
Այս տարիների ողջ ընթացքում ինչպես մեր թիմը, այնպես էլ գործարանը և ֆերման անցել են զարգացման և փորձառության մեծ ճանապարհ՝ բախվելով մարտահրավերների, որոնք հնարավոր է եղել հաղթահարել շնորհիվ ընդհանուր գաղափարի և նպատակի, այն է՝ հենվելով փորձված ավանդույթների վրա և առաջնորդվելով նորարարությամբ, պահպանելով կաթնամթերքի արտադրության հայտնի մեթոդները՝ միաժամանակ ներդնելով ժամանակակից տեխնոլոգիաներ՝ ստեղծել առողջարար և համեղ կաթնամթերք և դառնալ Ձեր սեղանի անբաժան մասնիկը։
Գործարան և ֆերմա
Հպարտությամբ ենք նշում, որ Դիլին Հայաստանում կաթնամթերքի արտադրության այն եզակի ընկերություններից է, որ ստանում է արտադրանք բացառապես սեփական կովերի կաթից, սեփական գործարանում, որտեղ գերժամանակակից տեխնոլոգիաների և փորձառու մասնագետների հետևողականության շնորհիվ ստեղծվում է անարատ և սննդարար կաթնամթերք։
Դիլի կաթնամթերքի արտադրության գործարանը և ֆերման տեղակայված են Հայաստանի ամենագեղատեսիլ և հարուստ բնություն ունեցող շրջաններից մեկում՝ Տավուշի մարզի Դիլիջանի ալպյան գոտի համարվող շրջանում, որի խիտ անտառները, կանաչ մարգագետինները, մաքուր օդը և ջրային բնական աղբյուրները կատարյալ միջավայր են ստեղծում առողջ կաթնամթերքի արտադրության համար։
Շուրջ 150 հեկտար հողատարածքում մենք հիդրոպոնիկ համակարգի կիրառությամբ-հանել աճեցնում ենք սարի կանաչ խոտ, առվույտ, կորնգան և հիդրոպոնկ կանաչ կեր՝ բացառելով քիմիական որևէ նյութի օգտագործում, այդպիսով ապահովելով առողջ սնունդ մեր 500 կովերի համար ողջ տարվա ընթացքում, իսկ բնական աղբյուրներից վերցված ջուրը պարբերաբար ֆիլտրվում է և ենթարկվում փորձաքննությունների, ինչը Դիլի կաթնամթերքի գերազանց որակի գրավականներից է։
Մեր կաթնամթերքը պատրաստվում է խոշոր եղջերավոր անասունների երեք հայտնի ցեղատեսակների՝ Հոլշտեյնի, Շվիցի և Սիմենտալի կաթերի խառնուրդից, որոնք պահվում են տեխնիկապես հագեցած և խելացի անասնաշենքերում։ Արդեն գործարանում ավտոմատացված տեխնոլոգիաները, մեր փորձառու մասնագետների վերահսկողությամբ, կատարում են արտադրության բոլոր գործընթացները, որի արդյունքում ստացվում է յուրահատուկ և բացառիկ որակով օժտված կաթնամթերք։
Առաքելությունը
Դիլիի ստեղծման պահից ի վեր մեր առաքելությունը հստակ է՝ ստեղծել կաթնամթերք, որը սննդարար է և նույնքան մաքուր, որքան բնությունը, որտեղ ստեղծում ենք մեր պրոդուկտները, որոնցից յուրաքանչյուրը պատրաստվում է հոգատարությամբ և նվիրումով։
Մենք վստահ ենք, որ ամենաթանկ բանը առողջությունն է, այդ պատճառով մեր ամենօրյա աշխատանքում դրել ենք հետևյալ սկզբունքները. կաթնամթերքի ստացման համար տեղծել և պահպանել բացարձակ մաքրություն ֆերմայում և արտադրանքի պատրաստման բոլոր փուլերում, կաթնամթերքը ստանալ միայն սեփական ֆերմայում, հոգ տանել կենդանիների մասին՝ ապահովելով մշտապես թարմ կեր։
Նպատակը
Մեր առաջնային նպատակն է Հայաստանի ազգաբնակչությանը մատակարարել 100% անարատ և որակյալ, համեղ և առողջարար կաթնամթերք։ Մենք համոզված ենք, որ սննդային յուրաքանչյուր արտադրանք պետք է բացարձակ զերծ լինի վնասակար բաղադրիչներից կամ հավելումից, ուստի մեր արտադրատեսակները պատրաստում ենք բացառիկ ուշադրությամբ և հոգատարությամբ՝ օգտագործելով միայն բնական և թարմ բաղադրիչներ։ Մենք շարունակաբար աշխատում ենք արտադրատեսակների բազմազանության և կատարելագործման ուղղությամբ՝ պահպանելով մշտական որակը և ապահովելով անհրաժեշտ սննդարար բաղադրիչները մեր սիրելի հաճախորդների համար։ Այս նպատակի համար մշտապես թարմացնում ենք մեր տեխնոլոգիաները և հմտությունները՝ ներդնելով առավելագույն անվտանգություն արտադրության բոլոր փուլերում։
Ինչու՞ ընտրել Դիլի
Սեփական գործարան և ֆերմա
Ունենալով էկոլոգիապես մաքուր միջավայրում տեղակայված 150 հեկտար հող՝ մենք մշակում ենք միայն մաքուր կերեր՝ օգտագործելով հիդրոպոնիկ համակարգ և աղբյուրի բնական ջուր։ Սա թույլ է տալիս ապահովել կենդանիներին անհրաժեշտ և քիմիական նյութերից զատ սնունդով ողջ տարվա ընթացքում։ Մեր ֆերմայում մեծ հոգատարության ներքո պահվում են կաթնատու Հոլշտեյն, Շվից և Սիմենտալ ցեղերի տոհմային երինջներ/կովեր։
